"يا جماعة الخير تذكروا ان سيرفرنا مو للكل (حياة واقعية صعبة) بمعنى اكيد راح تواجه صعوبة في كل شي حتى صعوبة في فهم السيرفر وهذا شي طبيعي لأن الفكرة جديدة مو بس عليك يا عزيزي اللاعب، بل جديدة علينا احنا بعد.

احنا تعمدنا نصعب اغلب الامور وتعمدنا ايضا ما نشرح كل كبيرة وصغيرة لكم، لان الانسان اذا حطيت كل شي أمامه ماراح يفكر، احنا سوينا هالسيرفر لأصحاب العقول والفكر وهذا الشي راح يحققلنا كلنا النتايج التالية:

• كل لاعب مميز عن غيره وله طريقته الخاصة في اللعب

في ناس مستغربة ليش قوانينا قليلة؟ لاننا بكل بساطة نبي لاعبين يبتكرون لنا انظمة لعب ابداعية نشوفها ونعطيك الموافقة اذا عجبتنا تماما مثل ماسوينا مع كثير من اللاعبين الي عندنا من زمان

واذا حطينا قوانين لكل شي، راح تصير انت يا عزيزنا اللاعب تمشي على قوانينا بالضبط وما تبي تبدع وتفكر خوفا من الباند..تماما مثل السيرفرات الاخرى، صح؟ ماتقدر تنكر هالشي لاننا كلنا مرينا فيها

ولما كل الكلام الي فوق يتحقق.. راح يصير عندنا أقوى رادع واقوى جدار واقوى سور.. سمه الي تسميه..، اقوى حتى من السكربتات واقوى من اي شي يخطر في بالك تظن انه اساسي في نجاح اي سيرفر، يمنع المنافسين من اسقاط سيرفرنا مهما كانوا كبار ومشاهير وعندهم فلوس

والي هو (عقلية اللاعبين)، والي برأيي أنا شخصيا، ما شفت سيرفر عربي قدر يحقق عقلية اللاعبين السليمة لفترات طويلة